የሲያትል ገብርኤል ካህናት ወንጌሉን እያስተማሩበት ነው ወይስ እየነገዱበት?

 

በስመ አብ ወወልድ ወመንፈስ ቅዱስ አሃዱ አምላክ አሜን::

“እውነትና ንጋት እያደር ይጠራል” የሚባል የአባቶች አነጋገር አለ:: እንደተደበቁ መቅረት፤ እንደተሸፋፈኑ መቆየት፤ እንዳወናበዱ መቀጠል አይቻልም:: አንድ ቀን ያበቃለታል:: በጨለማ የዶለቱት በብርሃን ይወጣል:: በጓዳ የዶለቱት ኽሳሎን ብቅ ይላል::እንኳን ከህዝብ በስተጀርባ ይቅርና ከጓደኛ የሸሸጉት አፈትልኮ ያመልጣል:: እነሆ እውነቱ በሲያትል ቅዱስ ገብርኤል ቤተ ክርስቲያን ገሃድ ሆነ::

የሲያትል ቤተ ክርስቲያን ሃላፊ ስመ ጥሩ የሆኑትን ተወዳጅ መምህር አባ ገብረ ሥላሴ ጥበቡን ከአቡነ መልከ ጸዲቅ ጋር በመተባበር ከሲያትል ማባረራቸው ይታወቃል:: በዚህም ምክንያት የሲያትል ወጣትና ሕዝቡ ቅር ተሰኝቶ መምህር ገብረ ሥላሴ ጥበቡ ወደ ቦታቸው እንዲመለሱ ቢጠይቅ ሃላፊው “ምን እንዳትሆኑ ነው” ብለው አሻፈረኝ አሉ:: እንደራሳቸው የግል ካምፓኒ ሽምግልና አልፈልግም አሉ:: በዚህ ምክንያት የቤተ ክርስቲያኑ ታዛቢ ምእመናን ሶስት ደብዳቤዎች ጽፈን ተማጸንናአቸው:: ሃላፊው ግን ወይ ፍንክች የአባ ቢላዋ ልጅ አሉ:: ይቀጥላል…